સંવાદ (રાધા-શ્યામ)

શ્યામઃ

સમણું જો કહે તો દાણ છોડું, ઓ રાધા!
તારું સમણું જો કહે તો દાણ છોડું
મારા દાણ તણું દાણ સાવ થોડું,ઓ રાધા!
તારું સમણું જો કહે તો દાણ છોડું

રાધાઃ

મોરપિચ્છ અડકાડ્યું ગાલે, તો છાપ
એની ચોંટી પહેલાં ને પછી ચટ્ટકી;
મુખડું જોવાને સહેજ ઊભી ત્યાં
આયનામાં સરકી ગઈ રે મારી મટ્ટકી!

હું તો કેમ કરી આયનો ફોડું? ઓ શ્યામ!
હવે જાવાદ્યો થાય છે મોડું.

શ્યામઃ

તારું સમણું જો કહે તો દાણ છોડું

રાધાઃ

મેંદીથી નામ લખ્યું તારું, હથેળિયુંમાં
રાતા ચટ્ટાક ઊગ્યા છોડવા;
સૈયરને તાળીની ટેવ, કે હું
સંતાતી વનરા તે વંન ગઈ ગોડવા!

પછી કહે તો બીજું ગાંઠનું જોડું, ઓ શ્યામ!
હવે જાવા દે થાય છે મોડું

શ્યામઃ

હવે કાલ સુધી મટકી નહીં ફોડું....

રાધાઃ

ઓ શ્યામ! તારાં કેસરિયાં નખ્ખરાં વખોડું

==============

૧૯૬૯
સૌજન્ય
ભૂરી શાહીનાં ખળખળ

ભૂરી શાહીના કૂવા કાંઠે