તમે ગયાં તે (કટાવ) – ઘનશ્યામ ઠક્કર (ઓએસીસ)

તમે ગયાં તે

(કટાવ)

ઘનશ્યામ ઠક્કર (ઓએસીસ)

‘કુમાર’ સામયિકમાં પ્રગટ થયેલું મારું પ્રથમ કાવ્ય.

બ્લોગ સંપાદનની મઝા એ છે કે, કવિતા સાથે સાથે કાવ્યસર્જન સાથે જોડાયેલાં સંસ્મરણો ભાવકો સાથે વહેંચવાનો એક અલગ આનંદ આવે છે. ૧૯૬૯માં ગુજરાત યુનિવર્સિટીના યુથ ફેસ્ટીવલ દ્વારા આયોજિત પાદપૂર્તિ સ્પર્ધામાં ઇનામ મળ્યું, ગુજરાતનાં સમાચારપત્રોમાં તસ્વીરો છપાઈ, ત્યારે આપણને તો લાગી ગયું કે હવે સાહિત્ય ક્ક્ષાના કવિ બની ગયા. એક મિત્રે કહ્યું કે ખાડિયામાં ‘કુમાર’ કાર્યાલયમાં સંપાદક શ્રી બચુભાઈ રાવત દર બુધવારે રાતે આઠ વાગે કવિયોની કવિતાઓ જાતે વાંચે છે. અને પસંદ આવે તો ‘કુમાર’ માટે રાખી લે છે. ઘનશ્યામ ઠક્કર તો ઉત્સાહમાં આવી ગયા. પાદપૂર્તિ સ્પર્ધાના નિર્ણાયક શ્રી પ્રિયકાન્ત મણિયારે મારાં કાવ્યનાં વખાણ કર્યાં હતાં. તો બચુભાઈ તો તરત જ સ્વીકારી લેશે. અરે! કુમારમાં મારું કાવ્ય છ્પાઈ ગયું હોય એવું સ્વપ્ન પણ આવી ગયું. એમ પણ હતું કે રૂબરૂ જવાથી ૧૦% ‘બે આંખોની શરમ’ નો પણ લાભ રહેશે.

પરંતુ પ્રથમ વાર બુધસભામાં હાજરી આપ્યા પછી માત્ર આઘાત સિવાય કઈં ન દેખાયું. મેં બે કાવ્યો બચુભાઈને વાંચવા આપ્યાં. બચુભાઈએ મોંના ભાવ ન્યુટ્રલ રાખી કોઈ જાતની ટીપ્પ્ણી કર્યા વિના, બન્ને કાવ્યો પાછાં આપ્યાં. ખૂબ ગુસ્સો આવ્યો. કારણ કે મને તો મારાં કાવ્ય યોગ્ય લાગતાં હતાં. એ પછી ટપાલમાં આવેલાં કાવ્યો વંચાવા માંડ્યાં જાણીતા કવિ, અને બચુભાઈના અંગત મિત્ર શ્રી સ્નેહરશ્મિએ ઢગલો હાઈકુ ટપાલમાં મોકલ્યાં હતાં મને થયું, આવા મોટા કવિનાં કાવ્યો તો સ્વીકારાઈ જ જવાનાં. મારા આશ્ચર્ય વચ્ચે બધ્ધાં જ હાઈકુ બાઉન્સ થયાં. એ પછી ની બુધસભામાં ઝીણાભાઈનો ગુસ્સાથી ભરેલો પત્ર પણ આવ્યો, જે બચુભાઈએ સભામાં વાંચ્યો.

મને બે ત્રણ નિરાશાઓ પછી લાગ્યું કે ગુજરાતી સાહિત્યની દુનિયામાંઆપણી દાળ ગળવાની નથી; અને હવે યુથ ફેસ્ત્ટિવલના કવિતાના ઇનામના સર્ટિફિકેટને ફ્રેમમાં મઢાવી એન્જિનિયરિંગના અભ્યાસ પર પૂરો સમય આપવો જોઈએ. પરંતુ જેમ જેમ કાવ્યો અસ્વિકાર થતાં ગયાં, તેમ તેમ, એ પછી વધારે સારાં કાવ્યોનું સર્જન થતું ગયું. છેવટે થોડા મહિના પછી, ‘તમે ગયાં તે’ કાવ્ય લઈ ‘કુમાર’માં ગયો, અને બચુભાઈએ પાછું ન આપ્યું. મારો આનંદ તમે સમજી શકો છો. મઝાની વાત તો એ છે, કે જ્યારે આ કાવ્ય ‘કુમાર’માં સ્વીકારાયું તે જ અરસામાં ‘નવનીત’, સમર્પણ, કવિલોક, કવિતા, કૃતિ, વિશ્વમાનવ વગેરે સામયિકોમાં મારાં કાવ્યો સ્વીકારાવા માંડ્યાં હતાં

બીજી એક રસપ્રદ વાત આ કાવ્ય વિષેઃ આખા કાવ્યમાં ફક્ત બે, લાંબાં, કટાવ છંદમાં રચાયેલાં વાક્યો છે. દરેક વાક્ય પૂરું કરતાં થોડો શ્વાસ ચઢી જાય તો ક્ષમા કરશો 🙂

=======================================================

Ghanshyam Thakkar

Oasis Thacker

About Ghanshyam Thakkar

Music Composer, Music Arranger, Music Producer, Poet, Lyricist, Blog Editor, Audio Recording and Mixing Artist, Web-page Design Artist, Electrical Engineer(B.E.), Project Manager
This entry was posted in AasopalavNi Dale, Bhuri ShaiNa Kuva Kanthe, Club Oasis, Ghanshyam Thakkar, Gujarati Blog, Gujarati Literature, Gujarati Net, Gujarati Poetry, Kavita, MP3, Music, Oasis Thacker, Oasis-Music, Poem, Sangeet, કવિતા, ગુજરાત, ગુજરાતી કવિતા, ગુજરાતી નેટ, ગુજરાતી બ્લોગ, ઘનશ્યામ ઠક્કર, ભૂરી શાહીના કૂવા કાંઠે and tagged , , , , , , , . Bookmark the permalink.

Leave a Reply

Your email address will not be published. Required fields are marked *